منتديا ت الفعج حمدالله
مرحب بك على منتديات الفعج حمدالله الاصاله والتميزوالتواصل الصادق الذى يخدم الوطن


اجتماعى ثقافى رياضى سياسى
 
الرئيسيةحالة الطقس فى االيوميةالتسجيلدخولكشك الجرائد
ترحب بكم منتديات الفعج حمداللة على منتدياتها وتتمنى لكم اقامة طيبة وتقدم لكم الدعوى للانضمام لاسرة المنتدى
<

تهنى اسرة منتديات الفعج حمداللة جميع الامة الاسلامية وبصفة خاصة مواطني الفعج وبصفة اخص اعضاء وزوار المنتدى بقدوم عيد الفطر المبارك اعاده الله على الجميع بالخير والبركات وانعم الله على الامة الاسلامية والسودان بأمن وتقدم

شاطر | 
 

 رد الشوبلى لمحمد موسى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو وعد
مشرف
avatar

ذكر
عدد المساهمات : 146
الموقع : الدمــــــــــــــــــام

بطاقة الشخصية
المدير العام
:
المشرف: 10
عضو مميز:
30/30  (30/30)

مُساهمةموضوع: رد الشوبلى لمحمد موسى    الجمعة مايو 06, 2011 1:57 pm

حبائى واخوانى بالمنتدى
طالعت هذه القصيده فى احد المواقع
وهى بلسان شاعر البطاته المجيد
يوسف الشوبلى
يرد فيها على محمد موسى الكوميدى المعروف
وذلك لتهكمه على اهل العوض



رسالة بليغة من أهل العوض مخصوصة
للإبن الظريف ود المدن ود موسي
بدور رد السؤال لو باللغةالمهموسة
فينا نقيصة ولا الصورة جات معكوسة ؟

جبتا الفتنة تعلن حرب بىجاسوسة
والسبب الفنيلةالقلت في الوسخ مدسوسة
نحن نفوسنا في بحور العفاف مغموسة
مية غمسة لاعار لا دنس لا سوسة

نحنا أهل العوض والعزة مابنكوسا
أصحاب سمته وأصحاب فرسةً موروثة
نحنا أنعامنا بتعاف ترتعالمعفوسة
ونحن جدودنا عادي بطيعوا الجاموسة

إيانا أهل العوض أهل النحاسأب رنّة
أهل البَدر ة والمهيوب وأهل الشنّة
أهل عزة وأهل سمتة وعروضومحنة
ناس البادية ناساً عشرتن تتمنى


نحن أهل العوض حافظين عهود ماخناّ
وللجار و العشير بالشينه ما تعجلنا
بيوتنا مسيد ضيوف زمن العدم مابخلنا
وما بصح الوليد في أعرافنا يجاهلنا

ونحنا أهل العوض واللهلاتقينا ولا تبدلنا
واثبين كالأسود من واجبة ما اتماهنا
في البر فيالبحرتلقانا وين ما كنّا
في قمم الرجال كذب البمِس لى حصونّا


ونحناأهل العوض في الحالي و الفات كنا
قج شرك الكلا م في مشينا ما بعطلنا
بس بوعيكأكان دقس في أصولنا ومتجاهلنا
نحسب في الجدود ستين ومن غيرإنََّ


ونحنا ربّونا الشياب فوق ماما ماتعجنا
حافظين لسان حافظينكرامة أهلنا
أشبال من أسود في ضبعة ما تهجنا
سايرين سير كرام لامن نلاقياجلنا

ونحنا ذاتنا يا ود موسي ما بواخذونا بي بنولـِّد
و الـما عندورأي حقو يتبع ويقلد
لو ما مخـّك المخمود وحسك المتبلد
جامعة موسكو ما جابتدكاترة تولد ! ؟

ما راعيت شعور الناس شعورك فاترة
بتسيء للعزار أهلالسيوف الباترة
أَمَانةً تَدخنك شطة ودموعك قاطرة
ما سمعت بالولادة أتخصصولادكاترة !؟

نحن والله عرب وأولاد عرب لينا الشرف والعز
بنسرح بالرزق نحلبنصـُر ونجز
ويوم الحارة والعركة السلاح برز
ثابتين كالجبال الشامخة مابنفز

المخسوفة والمرقوعة ياها لباسنا
المجلوبة والمقنية منميراثنا
الجار والعشير من الكتف لى راسنا
في المال والعروض تخشى الملوك منباسنا

ليه يا ود موسى بتذم الرجال بالعايلة
ما بعشّوا الضيوف تحت السحابةالشايلة ؟
ما سمعت في أم همج كاكوم عقيد الزايلة ؟
ما سمعت بالنمر حرقالخديوي القايلة ؟



لكن لسانك فك يا إبني أصلو مابتستامن
تشحن في النفوسمن الغبينة مُداماً
بس سمة المن مثالك في البحر بترامن
العربي إن رقص ألبلقرونن قامن

دحين ياخي رغم الغطرسة بالتمثيل وحبة كاشك
تلقى أصفارنا أكبرمن مساحة داشك
شبعانين طحين من الفطير ودراشك
أخير تبعد بخاف من شوكنا يخربشاشك

ومهما زعمت من عزة ونفخ فشفاشك
أعلم طينّا أنصح من ترابخشخاشك
شوف ليك ناس رخاس تاخد عليهم فاشك
أول غلطة كان تنيتا بنعلخاشك


دحين ياخي اولاد عرب والغير عرب كلهم أخوانك
إحذر واكترث شكلقوافي لسانك
والرمي فوق الجماعة بالتعابير خانك
في نص البحر بتدور تقج صيوانك ! ؟

نحنا نضافنا يا ود موسي مو صابون
نحنا نضافنا فى عروض وشرفمصيون
نحنا نضاف ضراع بالدكري المسنون
طيبين عُشرة ولكن للخصيم طاعون


نحنا سماحنا يا ود موسي مو كريمات ولمعة لون
نحنا ولدنا عاشميقعكس للعرجون
نحنا ناس لينا أعراض بيحكما القانون
سماحة الزول يفرّج كربةالممحون


نحنا دفعنا يا ودموسي ما جركان
ونحنا ما بندفع الجبنة وحليبالكان
ونحنا دفعنا فى النوق أمات سناماً بان
نحنا ضربنا للعوق انفجاربركان



وكان كلمنا يا ود موسي بنقول الكلام حقاني
وكان غنينا بنختالشعر فى معاني
عزيزين فى النسب من ذلة مابنعاني
نحسب فى الجدود ستين ومن غيرعاني


دحين يا غبار الكبرياء المن المعالم حاجب
أحذر منّوا لا ينسيكحقوق الواجب
ومن أمثال تراثنا الفي العرف والواجب
مهما العين تطول مابتعلىفوق الحاجب

وعشان ما نغلط معاك ونشيل النقط من شينك
أوعى تعضعض الناسالبوضحوا شينك
هسع وقعت في الحلة ووجب تكشينك
شن ودّاك لشعراء البطانةتشينك

دحين ياخي الطامع في كثيرة الغير قليلتو تضيع
وسيد بيت القزاز ماببدأ بالجديع
بولاد الحديد القاسي في القطيع
العربي إن حرن وسط المحاصمابطيع


نحن والله لا بنخاف لا بنعاف ولا بنتهدد
لا بنكل ولا بنمل ولابنتردد
كمان للزول البخون عُشرتنا ما بنتودد


ابووعد
الرجوع الى أعلى الصفحة اذهب الى الأسفل
 
رد الشوبلى لمحمد موسى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديا ت الفعج حمدالله :: التوثيق والتراث-
انتقل الى: